Хәзерге вакытта почта хезмәте безнең район гражданнарына салым белдерүләре белән конвертлар китерә.

Россиянең төрле шәһәрләреннән (Волгоград, Түбән Новгород, Красноярск, Кемерово, Мәскәү, Санкт – Петербург, Уфа) конвертлар алгач, гражданнар борчыла башлаган. Бүген бу мәсьәлә бик актуаль һәм салым инспекциясе түбәндәге мәгълүматны бирде.

Бүгенге көндә салым хезмәте салым түләүчеләргә уведомлениеләр формалаштыру һәм җибәрү буенча чараларны дәвам итә.

Хәбәрләрне кәгазьдә бастыру һәм җибәрү агымдагы елның октябрь аена кадәр гамәлгә ашырылачак.

Салым уведомлениеләрен күпләп бастыру Россиянең кайбер шәһәрләрендә (Волгоград, Түбән Новгород, Красноярск, Кемерово, Мәскәү, Санкт - Петербург, Уфа) «Салым – сервис» ФКУ филиалларының типографияләре белән башкарыла, шуңа күрә конвертларда җир, милек һәм транспорт салымнарын түләү өчен конверт Җибәрелгән почта хезмәте билгесе бар.

 Димәк, почта аша мондый хәбәр алгач, салым түләүчеләр алынган квитанцияләр буенча салым түли ала?

 Исегезгә төшерәбез, исәп – хисап нәтиҗәсендә салым белдерүе формалаша, ул конкрет салым түләүче-физик затка адреслана.

Әгәр бу белдерүдә салым салу объектлары аныкланырга тиеш булмаса, салым түләүче бюджетка салымнар суммасына исәпләнгән түләүне башкарырга тиеш.

 Агымдагы елда салым түләү срогы нинди?

2017 ел өчен җир, транспорт һәм милек салымнарын бюджетка 2018 елның 3 декабреннән дә соңга калмыйча түләргә кирәк.

 Билгеләнгән вакытка салым түләмәүчеләрне нинди санкцияләр көтә?

 Беренчесе-РФ НК 75 статьясы нигезендә салым түләү буенча бурычларны вакытында үтәүнең һәр көне өчен РФ Үзәк банкы рефинанслау ставкасының 1/300 күләмендә пеня исәпләнә;

Икенчесе-салым түләү срогы чыкканнан соң биш эш көненнән дә соңга калмыйча салым органы физик заттан недоимканы ачыклау турында документ төзи һәм аңа салым түләү, җыю, пеня, штраф, процент түләү турында таләп җибәрә.

Әгәр бу очракта салым түләнмәсә, бурычларны түләттерү буенча барлык чаралар комплексы кулланылачак.   Бурыч суд тәртибендә (эшкуарлык эшчәнлеге белән шөгыльләнмәгән гражданнарга карата), банк счетларында акча һәм акча средстволарын да кертеп, суд тәртибендә түләтеләчәк. Суд пристав-башкаручылары бурычлы кешенең акчаларын тартып ала, милекне кулга алу оештыра, теркәү эшләрен тыюны билгели, хәтта бурычлыларның Россиядән читкә чыгуын чикли.

Түләмәүчегә бурычны җиде процент күләмендә, әмма 1000 сумнан да ким булмаган күләмдә башкару җыемы суммасын түләргә туры киләчәк.

Шунысын да билгеләп үтәргә кирәк, әгәр бурыч суммасы 25 мең сумнан артмаса, салым органы эш бирүчегә хезмәт хакы, пенсия яки бурычларны түләү өчен стипендия түләү буенча башкарма документларны җибәрергә хокуклы.

  Шуңа күрә 2018 елның 3 декабреннән дә соңга калмыйча барлык җирлек халкын салым түләү бурычын үтәргә чакырабыз!

 Бүген Олы Кайбычта район башлыгы Альберт Рәхмәтуллин рәислегендә Кайбыч муниципаль район Советының чираттагы егерме бишенче утырышы узды. Көн тәртибендә түбәндәге мәсьәләләр каралды::

1.    «Җирле үзидарәнең үз вәкаләтләрен даими нигездә гамәлгә ашыручы сайлау органнары әгъзалары, җирле үзидарәнең сайланулы вазыйфаи затлары, контроль-хисап органнары рәисләре, Татарстан Республикасы Кайбыч районы муниципаль хезмәткәрләре, айлык һәм башка өстәмә түләүләр һәм аларны гамәлгә ашыру тәртибе турында " 2018 елның 23 апрелендәге 121 номерлы карарына үзгәрешләр һәм өстәмәләр кертү турында;»;

2.    Татарстан Республикасы Кайбыч муниципаль районы җирле үзидарә органы җитәкчесе, Татарстан Республикасы Кайбыч муниципаль районы җирле үзидарә органы карамагындагы вазыйфаи бурычларны үтәгәндә шәхси кызыксыну барлыкка килү турында хәбәр итү тәртибе турында;

3.    Хезмәттәге (вазыйфаи) таләпләрне үтәү һәм мәнфәгатьләр каршылыгын җайга салу буенча комиссия турындагы нигезләмәне раслау хакында;

4.    Татарстан Республикасы Кайбыч муниципаль районы «муниципаль берәмлеге уставы проекты турында»;

5.    Татарстан Республикасы Кайбыч муниципаль районының балигъ булмаганнар эшләре һәм аларның хокукларын яклау буенча комиссиясе турындагы нигезләмәне раслау хакында;

6.    Татарстан Республикасы Кайбыч муниципаль районы Советының 2017 елның 15 декабрендә кабул ителгән 100 нче номерлы «Татарстан Республикасы Кайбыч муниципаль районының 2018 елга һәм 2019, 2020 еллар план периоды бюджеты турында " гы карарына үзгәрешләр һәм өстәмәләр кертү турында»;

         Бүген Кайбыч муниципаль район Башлыгы Альберт Рәхмәтуллин җитәкчелегендә чираттагы эшлекле киңәшмә узды. Биредә оешма-учреждение җитәкчеләре, авыл җирлекләре башлыклары катнашта.

         Киңәшмә барышында ике атналык эшләргә йомгак ясалды, полиция бүлеге начальнигы Рушан Хуҗин, район үзәк сырхауханәсенең  баш табибы Гөлнара Сафиуллина, район мәгариф бүлеге начальгигы Илмас Хәмидуллин һәм янгын cүндерү - коткару гарнизоны начальнигы Дамир Ибраһимов  докладларын тыңландык.

Тәрбиягә бала алган ата-аналар катнашында район Советының актлар залында утырыш үткәрелде. Алар белән башкарма комитет җитәкчесенең социаль мәсьәләләр буенча урынбасары Фатыйма Бикбова, опека һәм попечительлек бүлеге начальнигы Зөлфия Гарәфетдинова очрашты. Бүгенге көндә безнең районда балаларны тәрбиягә һәм опекага алган 24 гаилә бар, аларда 40 бала үсә. Кече Мэмидэ  6 гаилә бар, аларда 14 бала үсә.Профилактика органнары вәкилләре әле шушы араларда гына балаларның яшәү шартлары белән танышу, хокуклары, милекләренең сакланышын тикшерү максатында һәр гаиләдә рейд үткәргән. Фатыйма Бикбова рейд нәтиҗәсе һәм үтәлергә тиешле таләп ләр турында сөйләде. Зөлфия Гарәфетдинова әйтеп узганча, Яшел Үзән шәһәрендә 22 районнан килгән белгечләр катнашында узган киңәшмә дә тәрбиягә бала алган гаиләләр темасы күтәрелгән. Очрашуда алимент түләү, балаларның диспансеризация үтүе, мәшгульлеген оештыру мәсьәләләре дә күтәрелде.

Узган шимбәдә районыбыз уңганнары Казан шәһәренең Яңа Савин районы халкына чагыштырмача арзан бәядән экологик яктан чиста продукция тәкъдим итте. Район башкарма комитеты җитәкчесенең икътисад мәсьәләләре буенча урынбасары Эльвира Заһидуллина хәбәр иткәнчә, кайбычлылар, 25 машинага товар төяп, иртә таңнан юлга чыкты. Ярминкәдә "Дубрава" җәмгыя тенең барлык филиаллары, "Родина", "Агрохимсервис" җәмгыяте, Мәлки авыл кулланучылар җәмгыяте, "Яңа юл" хуҗалыгы, Багай, Кече Мәме, Ябалак авыл җирлекләре, шәхси эшмәкәрләр Рафаэль Щукин, Артур Гафиятуллин, "Гарәфетдинов" шәхси ярдәмче хуҗалыгы катнашты. Татарстан Республикасы авыл хуҗалыгы һәм азык-төлек министрының беренче урынбасары Николай Титов кайбычлыларның әзерлегенә югары бәя биргән. Бу көнне барлыгы 2 миллион 450 мең сумлык товар сатылган. Ярминкәләр алга таба да дәвам итәчәк. Анда, бакчасында мул уңыш үстереп, бер өлешен сатарга теләге булган шәхси ярдәмче хуҗалыклар да катнаша ала. Моның өчен 2-11-05 телефоны буенча район башкарма комитетына яки 2-14-29 номеры аша территориаль үсеш бүлегенә шалтыратырга кирәк. Кайбычта традицион авыл хуҗалыгы ярминкәсе 30 сентябрьдә узачак.

Халкыбызның борынгыдан мирас булып килгән җырларын, матур биюләрен, гореф-гадәт, күркәм йолаларын киләчәк буыннарга җиткерү максатында Кайбычта кичке уен үткәрү күркәм традициягә әверелде.

 Быел ул тагын да киңрәк масштабта узды. Район мәдәният бүлеге тарафыннан оештырылган кичке уенга, күрше Чувашия Республикасының Комсомол районы Урмай авылыннан һәм Марий Элның Йошкар-Ола шәһәреннән дә фольклор коллективлары килеп, яңартылган Сабантуй мәйданы сәхнәсендә чыгыш ясады. 
Мөхтәрәм кунаклар арасында ТР Мәдәният министрлыгының Республика традицион мәдәниятны үстерү үзәге җитәкчесе Фәнзилә Җәүһәрова, Чувашия татарлары милли-мәдәни мөхтәрияте рәисе Фәрит Гыйбатдинов, 
Марий Эл республикасының татар мәдәнияте үзәге җитәкчесе Илгиз Гайсин да бар иде. Аларны район башлыгы Альберт Рәхмәтуллин, урынбасары Рәмис Хәялиев, мәдәният бүлеге начальнигы Рамилә Әбләзова сәламләде. Күпьеллык нәтиҗәле хезмәтләре һәм һөнәри осталыклары өчен алдынгы мәдәният хезмәткәрләренә бүләкләр тапшырдылар. Чувашиянең Комсомол районы Урмай авылыннан килгән “Мишәр” һәм “Тамчы”фольклор ансамбльләре, Марий Элның “Болгар” бию ансамбле һәм “Рәйхан” фольклор коллективлары чыгышын тамашачы яратып кабул итте, Татарстаннан читтә дә шулай халкыбызның күңел җәүһәрләрен кадерләп яшәүләренә барыбыз да сокландык. Үзебезнең фольклор коллективлары да бәйрәмне ямьләндерде. Татар эстрадасы артисты Ринат Рәхмәтуллинның кичке уенга кайтуы һәркем өчен көтелмәгән сюрприз булгандыр. Мәйданнан читтә авыл җирлекләре хезмәткәрләре теләгән һәр кешене коймак һәм чәй белән сыйлады. Кичке уеннан тулырак репортаж белән газетабызның киләсе саннарының берсендә таныштырырбыз.

 Россиядә даими яшәүче гаиләләрдә 2018 елның 1 гыйнварыннан соң икенче бала туса яки икенче баланы уллыкка алсалар, бала яшь ярымга җиткәнче ана капиталы акчасын айлык түләүләр итеп күчертергә мөмкин. Тик моңа хезмәткә яраклы яшьтәгеләрнең уртача айлык кереме яшәү минимумыннан 1,5 тапкыр артмаган гаиләләр генә дәгъва кыла ала.

         "Ана капиталына хокук алган, ләкин  сертификатны сорап мөрәҗәгать итмәгән гаиләләр, МФЦ яки пенсия фондына берьюлы ике гариза: ана капиталы сертификатына һәм бала өчен яшәү минимумы күләмендә аның акчаларыннан айлык түләү алала. 

         Ай саен, түләү, бала ел ярымга җиткәнче башкарыла, әмма беренче түләү периоды бер елга исәпләнгән. Шуннан соң аны билгеләү турында янә гариза бирергә кирәк. Әгәрдә ана капиталы тулысынча кулланылган булса, гаилә яшәү урынын үзгәртсә яки балага ел ярым яшь тулса түләү туктатыла. Кирәк булган очракта түләүләрне туктатып торырга мөмкин.

Пенсия фонды идарәсенең Кайбычтагы бүлеге начальнигы Гөлчәчәк Зиннурова хәбәр иткәнчә, социаль пакеттан файдалану хокукы булган, ләкин моңарчы аннан баш тарткан, федераль ташламаларга ия гражданнарга фикерләрен үзгәртү өчен вакыт аз калып бара. Безнең районда федераль ташламаларга ия булган 1723 кешенең 675е дару препаратлары ала.

          Социаль хезмәтләр җыелмасыннан файдалану буенча гаризаны 1 октябрьгә кадәр, Пенсия фонды идарәсенең Кайбычтагы бүлегенә килеп яисә шәхси кабинет аша Россия Пенсия фонды идарәсе сайтында электрон рәвештә тапшыра ала. Әлеге гариза киләсе елның 1 гыйнварыннан гамәлгә керә. Социаль пакетка нәрсәләр керүен тагын бер кат исегезгә төшерәбез. Болар – табиб (фельдшер) рецепты буенча дарулар, медицина эшләнмәләре, инвалид балаларны махсус дәвалау продуктлары белән тәэмин итү, шифаханә-курортларда дәвалану, шәһәр янындагы тимер юл транспортында бушлай йөрү, шулай ук шәһәрара­ транспортта дәвалану урынына бушлай барып кайту.Әлеге ташламаларга ия булган кешеләр бу хезмәтләрдән тулысынча да, аерым-аерым да файдалана ала.

    Төнлә һәм көндез 12 сентябрь көнне Татарстан Республикасында урыны белән томан көтелә.

14 сентябрьдә 15:00 сәгатьтә "Сабантуй" мәйданында "Кичке уен" бәйрәме узачак.  Барыгызны да көтеп калабыз!