ЯҢАЛЫКЛАР
13 июнь- Мөрәле 14 июнь-Борындык 15 июнь – Кошман 16 июнь –Бәрлебашы 17 июнь- Чүти 18 июнь – Кече Кайбыч 19 июнь – Иске Тәрбит 20 июнь – Хуҗа Хәсән 21 июнь –Олы Кайбыч 22 июнь – Бортас 23 июнь - Олы Урсак
«Хөрмәтле Кайбыч районы халкы, кунаклар! Сезнең барыгызны да район Советы, башкарма комитеты һәм шәхсән үз исемемнән халкыбызның иң яраткан һәм матур бәйрәме – Сабан туе уңаеннан чын йөрәктән тәбрик итәм.
Бай тарихлы бу бәйрәмдә татар халкының үзенчәлекле гореф-гадәтләре, традицияләре, туган телгә, бай мәдәниятебезгә булган олы ихтирамы чагы-лыш таба. Милләтебезгә хас булган чаялык, уңганлык, юмартлык һәм кунак-чыллык, эш сөю кебек күркәм сыйфатлар Сабантуйда аеруча ачылып, тагын да көчәеп китә. Сабан туе – ул, беренче чиратта, игенчеләрнең, авыл хезмәтчәннәренең, азык-төлек муллыгын тәэмин итү өчен тырышлык куйган һәркемнең бәйрәме. Кадерле дуслар! Туган җиргә мәхәббәт, тугрылык һәм хөрмәт белән башкарган авыр, әмма игелекле хезмәтегез өчен без сезгә ихлас рәхмәт сүзләребезне җиткерәбез. Районыбызда хезмәт сөючән, киң күңелле, кунакчыл кешеләр яши. Авыл хуҗалыгында, сәнәгатьтә, төзелештә, социаль өлкәдә ирешкән уңышлар күңелгә бәйрәм рухы өсти. Сабантуй бәйрәмнәрендә һәркем үзенә күңел күтәренкелеге алсын, халкыбызның бай мәдәни тормышы белән танышып, ел буена җитәрлек көч-куәт тапсын!
Ямьле җәйләребезне күңелле үткәрик, киләчәк көннәргә көч-куәт туплап, ба-су-кырларыбызда мул уңыш үстерик.Якты хатирәләр, шатлык, туганлык хи-сләре аша һәркемнең йөрәгендә урын алган Сабантуй яшен-картын, олысын-кечесен, төрле милләт һәм дин вәкилләрен берләштерә, башка бик күп халык бәйрәмнәре кебек үк, дус һәм тату, үзара аңлашып, мәдәни казанышлар белән уртаклашып яшәү үрнәге булып тора. Без яшәгән гүзәл Кайбыч җирендә дә рухи байлык, туганлык һәм үзара татулык чишмәсе беркайчан да кипмәс-саекмас. Сабантуй һәрберебезгә шатлык-куанычлар, күтәренке рух, нәтиҗәле иҗат һәм хезмәт өчен көч-куәт бирсен! Сезгә тынычлык, бәхет һәм иминлек телим!»
Персонификацияләнгән исәпкә алу турындагы законга кертелгән төзәтмәләр нигезендә, СНИЛС турында мәгълүмат кешегә мәҗбүри пенсия иминиятенең иминият таныклыгын алмаштыручы электрон яки кәгазь документ (белешмә) рәвешендә биреләчәк. Элек бирелгән иминият таныклыклары да гамәлдә булачак, шуңа күрә гражданнарга документларны сайлап алу өчен Россия Пенсия фондына мөрәҗәгать итәргә кирәкми.
«Финанс хезмәтләрен кулланучылар хокуклары буенча вәкаләтле вәкил турында "2018 елның 4 июнендәге 123-ФЗ номерлы Федераль закон нигезендә кулланучылар өчен мәҗбүри булган ОСАГО, КАСКО һәм ДСАГО килешүләре буенча иминият оешмалары белән бәхәсләрне җайга салуның яңа тәртибе билгеләнде: әгәр иминият оешмасы кулланучының таләпләрен канәгатьләндерүдән баш тартса, кулланучыга суд мөрәҗәгатенә кадәр үзенең хокукларын яклау өчен финанс вәкиленә мөрәҗәгать итәргә кирәк.
Кайбыч районында "Изгелек кыл" хәйрия концерты узачак
Пенсия фондының Татарстан бүлекчәсе гражданнарга СМС-хәбәр юллау ысулы белән мәгълүмат тарату эшен башлап җибәрә. Әлеге яңалык кулланышка агымдагы елның июнь аеннан ук кертелә һәм Пенсия фонды эшчәнлеге компетенциясенә караган төрле темаларны яктыртачак.
Рfr_rt абонентыннан беренче СМС-хәбәрләр Россия Пенсия фонды органнарында кәрәзле телефон номерлары булган эш белән тәэмин итүчеләр (оешма һәм предприятиеләр) адресына юлланачак. СМС-хәбәрдә Пенсия фонды органнарына агымдагы елның май ае эчен отчетны СЗВ-М формасы буенча 2019 елның 15 июненнән дә соңга калмыйча тапшырырга кирәклеге хакында мәгълүмат булачак. Соңыннан мондый мәгълүмат ай саен үткәреләчәк.
"СМС-хәбәр, беренче чиратта, бүлекчә тарафыннан гражданнарга уңайлык тудыру максатыннан кулланышка кертелә. Әлеге СМС-хәбәр тарату республикабыздагы иминиятләштерүчеләр арасында дисциплинаны арттыртуга, шулай ук эре предприятиеләр өчен аеруча әһәмияткә ия штраф санкцияләре санын киметергә ярдәм итәчәк.», - дип ассызыклады Россия Пенсия фондының Татарстан Республикасы буенча бүлегчәсе идарәчесе Эдуард Вафин.
Мәгълүматлаштыру адреслы булсын һәм гражданнарга тиешле вакытта барып ирешсен эчен Пенсия фонды бүлегчәсе республикада яшяүчеләрне яшәү урыннары буенча Пенсия фонды идарәсенә кесә телефоннары номерларын хәбәр итәргә, булганнарын дөреслеген тикшерегә чакыра.
__________________________________
https://es.pfrf.ru сайтында шәхси кабинетындагы Россия Пенсия Фонды дәүләт хезмәтләре һәм сервислары белән электрон рәвештә кулланырга мөмкин.
Пенсия фондының кайнар линиясе 8-800-600-44-44
Россия Пенсия Фондының Татарстан Республикасы буенча бүлекчәсенең контакт – үзәге (843) 279-27-27
Интернет-ресурслар www.pfrf.ru
, sprrt.ru
www.ok.ru/group/58408636907571
Пенсия фондының Татарстан Республикасы буенча булекчәсе Пресс – хезмәте (843)279-2513.
Хөрмәтле кайбычлылар, кадерле әти-әниләр һәм балалар! Һәр елның җәй башында бөтен Җир шары иң матур һәм иң якты бәйрәмнәрнең берсе булган Халыкара балаларны яклау көнен билгеләп үтә. 1 июнь кечкенәләрнең зурлар ярдәменә һәрдаим мохтаҗ булуларын искәртеп торган көн. Балаларның киләчәген бәхетле итү – ул безнең бурыч. Балалар – безнең өмет, безнең киләчәк.
Шунысы шатлык, безнең район талантлы балаларга бай. Араларында уку, спорт алдынгылары, олимпиада җиңүчеләре, биючеләр, җырчылар, рәссамнар бик күп. Безнең төп бурыч - киләчәктә дә аларның мәнфәгатләрен кайгырту һәм яклау, аларның талантларын үстерүдә тагын да уңайлы шартлар тудыру. Аларны тәрбияләүдә өлеш керткән ата-аналарга, әби-бабайларга, педагогларга, тәрбиячеләргә олы рәхмәт сүзләре җиткерәсем килә.
Балалар сезгә, әти-әниләрегезгә бәхет һәм сәламәтлек телим, һәрчак аларның игътибарын, мәхәббәтен һәм күңел җылысын тоеп яшәгез. Йөзегездән елмаю китмәсен, күңелегездә якты хисләр генә ташып торсын. Әти-әниләрегез сезнең белән һәрвакыт горурлансыннар иде. Күк йөзебез аяз, балаларыбыз бәхетле, киләчәк тормышыбыз якты булсын!
31 май көнне Татарстан Республикасында Бала хокуклары буенча вәкаләтле вәкил республика министрлыклары һәм ведомстволары белән берлектә 10.00 сәгатьтән 13.00 сәгатькә кадәр Татарстан халыклары Дуслыгы Йорты базасында (Казан шәһәре, Павлюхин урамы, 57 йорт) Халыкара балаларны яклау көненә багышланган гражданнарга хокукый ярдәм күрсәтү көнен үткәрү планлаштырыла.
Әлеге чараның максаты-балигъ булмаганнарның хокукларын һәм мәнфәгатьләрен яклау мәсьәләләре буенча гражданнарга консультатив, хокукый ярдәм күрсәтү һәм юридик ярдәм күрсәтү. Чарада балалар хокукларын тәэмин итү өлкәсендә аерым вәкаләтләрне гамәлгә ашыручы тармак министрлыклары һәм ведомстволары, хокук саклау органнары, прокуратура, «Татарстан Республикасы Адвокатлар палатасы» КБО вәкилләре катнашыр дип көтелә.
Гражданнарга хокукый ярдәм күрсәтү көне кысаларында түбәндәге мәсьәләләр буенча консультацияләр алырга мөмкин булачак:
- Баланың тормышка, рәхимсез мөгамәләдән, көчләүдән һәм иминлеккә хокукларын саклау;
- Баланың сәламәтлек саклау һәм сәламәт үсеш хокукын саклау;
- Баланың гаиләдә яшәргә һәм тәрбияләнергә хокукларын үтәү, шул исәптән опека һәм попечительлек органнары эшчәнлеге мәсьәләләре буенча да;
- Мәгариф өлкәсендә баланың хокукларын һәм законлы мәнфәгатьләрен үтәү;
- Социаль тәэминатка хокукны үтәү;
- Баланың торак һәм башка милек хокукларын һәм законлы мәнфәгатьләрен үтәү һ. б.
Кабул итүгә язылу таләп ителми.
Татарстан Республикасы буенча: аязучан болытлы һава. Күпчелек районнарда яңгыр, көндез урыны белән яшен. Җил көньяктан, көньяк-көнбатыштан 7-12 м/с, урыны белән көчәйгәндә 15-20 м/с кадәр. Минималь һава температурасы төнлә +9..+14°. Көндез максималь һава температурасы +18..+23°.
Районыбызда яз- көз айларында Россия Кораллы Көчләре сафларына чакырылачак егетләр белән тантаналы очрашу үткәрү күркәм традициягә әйләнде. Шундый очрашуларның чираттагысы шимбә көнне үтте.
Районда хәрби исәпкә алу өстәле начальнигы Сәвия Зиннурова әйтүенчә, бу язгы чакырылышта 29 егет солдат формасы кияргә җыена. Район Советы бинасының актлар залында үткән очрашуда район башлыгы Альберт Рәхмәтуллин, Апас һәм Кайбыч районнары хәрби комиссары Илшат Паймурзин, яшь армиячеләр хәрәкәте лидеры Илһам Хөснетдинов, хәрби бурычын Германиядә үтәгән Хәбир Нәбиуллин, егетләрнең әти- әниләре, авыл җирлекләре башлыклары катнашты.
Очрашу кичәсен мәдәният хезмәткәрләре алып барды, хәрби темага җырлар яңгырады.
Булачак солдатларны, әти- әниләрен сәламләп Альберт Рәхмәтуллин, Илшат Паймурзин, Илһам Хөснетдинов, Хәбир Нәбиуллин чыгыш ясады.