«Хөрмәтле Альберт Илгизәрович! Әлеге зур һәм якты гомер бәйрәмегездә без сезгә ихлас котлауларыбыз­ны юллыйбыз. Сез гомерегезне хезмәткә, гаиләгезгә, якыннарыгызга багышлап, җир йөзенә бары тик игелек эшләр өчен генә яратылган кешедер.

           Районыбыз халкы сезгә таяна, зур өметләр баглый, матур эшләрегезгә сок­лана, авылларыбызның елдан-ел төзекләнә баруына шатлана. Нинди генә эшкә алынсагыз да, аны зур төгәллек белән башкарып чыгасыз. Сез Кайбыч белән җитәкчелек итә башлаган дәвердән районның социаль-икътисади тормышында уңай якка зур үзгәрешләр күп булды. Алга таба да үзегезгә яңадан-яңа үрләр яуларга язсын. Изге ният белән кыласы гамәлләрегез, максатларыгыз тормышка ашсын.

          Көчле рухлы һәм кешелекле, юмарт һәм ярдәмчел, бәхетле һәм сәламәт булыгыз! Туар таңнарыгыз тыныч, саулыгыгыз ныклы, гомерегез бәхетле булсын! Авырмый, кайгы-хәсрәт күрми, озын гомер итүегезне, балаларыгызның, якыннарыгызның игелеген күреп яшәргә язсын Ходай. 

       Татарстанда балаларны мәгариф оешмаларында тукландыру мәсьәләләре буенча кайнар линия эшли башлаячак. Бу хакта Татарстан Республикасында бала хокуклары буенча вәкаләтле вәкил аппаратыннан хәбәр итәләр. Кайнар линия 18 октябрьдә иртәнге сәгать 9 дан кичке 5 кә кадәр эшләячәк. Сорауларны 8(843) 236-61-24, 236-61-26, 236-61-49 телефоннары аша бирергә була.

          Республика халкы сорауларына Татарстан Мәгариф һәм фән министрлыгы хезмәткәрләре, Татарстан Республикасында бала хокуклары буенча вәкаләтле вәкил, Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе вәкилләре җавап бирәчәк.

   Шул ук вакытта хәзерге вакытта дүрт карар законлы көченә керде инде. Барлык арбитраж идарәчеләренә алты айга дисквалификация рәвешендә җәза билгеләнгән. Моннан тыш, Татарстан Росреестрына ТР Арбитраж судына җибәрелгән 99 административ материалның 22е административ штраф салу турында карар чыгарылган.
 

          2018 елның 12 октябрендә Кайбыч районы территориаль сайлау комиссиясе районның участок сайлау комиссияләре өчен укыту семинары үткәрде. Уку дәресендә сайлау участокларын 2018 елның 18 ноябрендә референдум үткәрүгә әзерләү, сайлаучылар исемлеге белән эшләү, тавыш бирү нәтиҗәләре турында беркетмәләр тутыру мәсьәләләре каралды.

     9 октябрь көнне Олы Кайбыч авылының "Салават күпере" спорт-сәламәтләндерү комплексында өлкәннәр Декадасына багышланган район пенсионерларының Спартакиадасы узды. Анда 16 ир-ат һәм 26 хатын - кыз катнашты-барлыгы 15 команда.

          Гомумкоманда зачетында 1 урынны Кече Мәме, 2 урынны Олы Кайбыч һәм 3 урынны Хуҗа Хәсән алды.
 

Өлкәннәр декадасы кысаларында авыл җирлегенең һәр пенсионерына 5 кг шикәр комы һәм 6 кг он бүләк ителде. Барлык пенсионерлар да канәгать, район һәм агрофирма җитәкчелегенә рәхмәт әйтәләр.

"Бердәм Россия " төбәкләргә субсидияләр бирүнең гамәлдәге тәртибен саклап калырга тәкъдим итә, ул күпфатирлы йортларның ишегалды территорияләрен төзекләндерүгә федераль субсидияне куллану мөмкинлеген, шулай ук 1 меңнән артык кеше яши торган барлык торак пунктларны төзекләндерүгә кагыла. Бу хакта «Бердәм Россия» Генераль советы секретаре Андрей Турчак 2019-2021 елларга федераль бюджет кысаларында партия проектларын һәм инициативаларны гамәлгә ашыруга багышланган партиянең сайлау алды программасын гамәлгә ашыруны контрольдә тоту комиссиясе утырышында белдерде.

Өлкәннәр декадасы кысаларында 8 октябрьдә Татарстанда пенсия белән тәэмин итү мәсьәләләре буенча кайнар линия эшли башлаячак. Бу көнне 10 сәгатьтән 16 сәгатькә кадәр 8-800-100-26-27 телефоны буенча пенсионерларга пенсия түләү, индексация, яңадан исәпләү буенча сораулар бирергә мөмкин, дип хәбәр итә Россия Пенсия фондының Татарстан Республикасы буенча идарәсе матбугат хезмәте.
Башка көннәрдә Россия Пенсия фондының ТР буенча бүлеге контакт-үзәгенең телефоны дүшәмбедән пәнҗешәмбегә кадәр 9 сәгатьтән 18 сәгатькә кадәр, җомга көнне 9дан 16.45 сәгатькә кадәр (ял һәм бәйрәм көннәреннән тыш) 279-27-27 номеры буенча эшли.

2018 елның 29 октябрендә Бөтенсоюз Ленин коммунистлар яшьләр берлеге оешуга 100 ел тула.   Иң массакүләм яшьләр оешмасы буларак, комсомол совет яшьләренең күп кенә буыннарын аякка бастыруда, аны аңлы хезмәт эшчәнлегенә һәм җәмәгать тормышына җәлеп итүдә, егет һәм кызларда социаль әһәмиятле шәхси сыйфатлар формалаштыруда төп роль уйный.

     Бүген барыгызны да 19:00 сәгатьтә район мәдәният йортында булачак Айрат Сафин һәм диджей Радик концертына көтеп калабыз. Бәясе 300 сум. Белешмәләр өчен телефон 2-13-12, 2-16-72.